Það er ósætti í herbúðum Barcelona en félagið ræðir nú við leikmenn félagsins að taka á sig launalækkun.
Ástandið er slæmt á Spáni vegna kórónuveirunnar og óvissan um fjárhag félaganna er mikil.
Barcelona hefur beðið leikmenn sína að taka á sig 70 prósenta launalækkun. Því var hafnað.
Josep Maria Bartomeu, forseti Barcelona leiðir viðræðurnar við leikmenn og vonast til að ná samkomulagi við þá um 50 prósenta lækkun.
Leikmenn Barcelona eru hins vegar harðir i horn að taka og vilja helst halda öllum launum sínum.
