Hjörvar Hafliðason er aftur mættur til starfa á Stöð2Sport sem sérfræðingur í fótboltaumfjöllun, þetta var staðfest í dag.

Hjörvar var rekinn úr starfi í ágúst en hann starfaði þá sem útvarpsmaður og sérfræðingur í knattspyrnufræðum.

„Við erum virkilega ánægð að fá Hjörvar til baka enda einhver mesti spekingur um fótbolta sem við eigum. Til viðbótar við það er hann fantagóður sjónvarpsmaður,“ sagði Þórhallur Gunnarsson, framkvæmdastjóri fjölmiðla hjá Stöðvar 2 og Vodafone við Vísir.is

„Það er afskaplega ánægjulegt að vera kominn aftur,“ sagði Hjörvar Hafliðason. „Ég mæti extra frískur aftur til leiks eftir smá frí. Ég mun gera mitt allra besta við að gera það sem ég hef alltaf gert – að reyna að segja fólkinu heima í stofu eitthvað sem það vissi ekki fyrir.“

Hjörvar hafði lengi starfað á stöðinni þegar honum var sagt upp en í dag er hann með vinsælasta hlaðvarps landsins, Dr Football. Hann kemur inn í umfjöllun um Meistaradeild Evrópu og Pepsi Max deild karla.