Bjarni Helgason, blaðamaður Morgunblaðsins er nokkuð bölsýnn þegar hann fer yfir stöðuna á íslenska karlalandsliðinu í fótbolta. Eftir rúma tvo mánuði spilar liðið um laust sæti á EM næsta sumar. Liðið mætir Rúmeníu í undanúrslitum og síðan Ungverjalandi eða Búlgaríu í úrslitum.

Bjarni skoðar stöðu leikmanna Íslands og við það renna á hann tvær grímur. ,,Það er ekki laust við að maður hafi smá áhyggj­ur af stöðu mála hjá landsliðinu þessa stund­ina. Ef Erik Hamrén ákveður að treysta sín­um reynd­ustu leik­mönn­um fyr­ir leikn­um mik­il­væga gegn Rúm­en­íu, sem verður að telj­ast afar lík­legt, þá eru marg­ir leik­menn að glíma við meiðsli eða án fé­lags,“ skrifar Bjarni  í Morgunblaðið og fer svo yfir þá sem byrja flesta leiki liðsins.

,,Hann­es Þór Hall­dórs­son og Kári Árna­son kláruðu sitt Íslands­mót í sept­em­ber og Ragn­ar Sig­urðsson er án fé­lags. Ari Freyr Skúla­son er að jafna sig á meiðslum en Guðlaug­ur Victor Páls­son, sem mun að öll­um lík­ind­um leysa stöðu hægri bakv­arðar í leikn­um, er að spila nán­ast alla leiki með þýska B-deild­arliðinu Darmsta­dt,“ hann fer svo yfir stöðuna á okkar fremstu leikmönnum.

,,Jó­hann Berg Guðmunds­son er að glíma við enn ein meiðslin, Gylfi Þór Sig­urðsson á ekki sitt besta tíma­bil og Aron Ein­ar Gunn­ars­son er að koma til baka eft­ir meiðsli. Þá er Birk­ir Bjarna­son án fé­lags. Kol­beinn Sigþórs­son er í fríi og spilaði síðast í byrj­un nóv­em­ber. Þá hef­ur Jón Daði Böðvars­son verið inn og út úr byrj­un­arliði Milwall á þessu tíma­bili.“

,,Það má því al­veg segja að hlut­irn­ir hafi oft litið bet­ur út hjá strák­un­um en ef eitt­hvert lið get­ur komið sér á stór­mót í þessu „ásig­komu­lagi“ þá er það ís­lenska karla­landsliðið í knatt­spyrnu.“