Aron Elís Þrándarson, leikmaður Álasunds mun yfirgefa félagið um áramótin þegar samningur hans við norska félagið er á enda. Þetta staðfesti hann í samtali við 433.is.
Álasund er að fljúga upp úr næst efstu deild í Noregi en félagið hefur viljað framlengja við Aron Elís. Hann vill hins vegar prufa nýja hlusti.
,,Það er staðfest að ég ætla ekki að semja aftur við Álasund, mig langar að prufa eitthvað nýtt,“ sagði Aron Elís í samtali við 433.is í dag.
Fyrsti kostur Arons er að semja við nýtt lið á erlendri grundu. ,,Ég stefni auðvitað á að spila erlendis en maður bíður og sér hvað er í boði.“
Aron Elís for að utan árið 2014, þá yfirgaf hann uppeldisfélag sitt Víking. Samkvæmt heimildum 433.is leyfa Víkingar sér að dreyma að Aron Elís komi heim í vetur. Félagið hefur áhuga á fá hann. Það er þó ólíklegt að það takist.
,,Ég hef ekkert rætt við Arnar Gunnlaugsson, ég hef fengið nokkur skilaboð frá stuðningsmönnum en það hefur verið á léttu nótunum. Eins og er, þá er ég ekki á heimleið.“
Víkingur varð bikarmeistari í sumar og verður í Evrópukeppni að ári, spennandi hlutir eru í gangi í Víkinni og gæti Aron Elís komið liðinu í baráttu um þann stóra
