Dan Burns, leikmaður Brighton, ætlar að fagna eins og Alan Shearer ef hann skorar gegn Newcastle í dag.

Burns er harður aðdáandi Newcastle en Shearer var fyrirmynd hans þegar hann var krakki.

Shearer er markahæsti leikmaður ensku úrvalsdeildarinnar frá upphafi og besti leikmaður Newcastle í sögu deildarinnar.

,,Ég spilaði þarna með Wigan fyrir nokkrum árum. Ég skallaði að marki og hefði átt að skora,“ sagði Burns.

,,Ég var nú þegar byrjaður að fagna í hausnum og ætlaði að taka fagn Shearer.“

,,Ég skora ekki mörg en ef ég skora á laugardaginn þá mun ég fagna, ekki hafa áhyggjur.“