Jurgen Klopp, stjóri Liverpool, harðneitar því að hann muni yfirgefa félagið vegna veðursins í borginni.
Umboðsmaður Klopp greindi frá því í gær að skjólstæðingur sinn gæti farið á endanum því hann væri kominn með nóg af veðrinu.
Klopp segir hins vegar að það sé algjört kjaftæði og að umbinn hafi aðeins verið að grínast.
,,Hann vildi bara segja brandara. Ég verð hins vegar að tala af alvöru,“ sagði Klopp.
,,Þetta er þýskur húmor og enginn fattar hann. Veðrið hafði aldrei nein áhrif á valið.“
,,Það mun ekki hafa áhrif ef ég yfirgef landið. Eins og staðan er þetta kannski besta veðrið í heiminum.“