Brann í Noregi vill ráða Rúnar Kristinsson, þjálfara KR til starfa. Fréttablaðið greinir frá þessu.
,,Heimildir Fréttablaðsins herma að forráðamenn norska úrvalsdeildarliðsins Brann hafi áhuga á því að ráða Rúnar sem þjálfara liðsins og hafi spurst fyrir um starfskrafta hans,“ segir á vef Fréttablaðsins.
Rúnar gerði KR að Íslandsmeisturum í gær en liðið hefur haft mikla yfirburði í sumar. Hann er á sínu öðru ári með liðið, í endurkomu sinni.
Rúnar kom heim fyrir tveimur árum eftir að hafa þjálfað Lilleström í Noregi og Lokeren, hann var rekinn frá báðum félögum. Uppsagnir Rúnars voru í bæði skiptin mjög umdeildar.
Rúnar hefur náð mögnuðum árangri með KR, í bæði skiptin sem hann hefur stýrt liðinu.