Arsene Wenger, fyrrum stjóri Arsenal, reyndi að fá Lionel Messi til félagsins á sínum tíma.
Wenger greindi frá þessu í gær en Messi er af mörgum talinn besti leikmaður sögunnar. Hann spilar með Barcelona.
Arsenal tókst að fá ungan Cesc Fabregas til félagsins árið 2003 og vildi á sama tíma fá Messi.
,,Við vorum í viðræðum við Messi þegar við keyptum Fabregas og þeir voru samherjar,“ sagði Wenger.
,,Þeir voru allir í sama unglingaliðinu, Messi, Gerard Pique og Fabregas.“
,,Pique og Fabregas komu til Englands en Messi varð áfram á Spáni. Við höfðum áhuga en hann var ósnertanlegur.“