Það fór fram stórleikur í Pepsi Max-deild karla í kvöld er Íslandsmeistarar Vals fengu Stjörnuna í heimsókn.
Fjörið byrjaði snemma leiks en Patrick Pedersen skoraði mark eftir aðeins sjö mínútur fyrir Valsmenn.
Hilmar Árni Halldórsson jafnaði metin fyrir Stjörnuna á 28. mínútu með frábæru skoti fyrir utan teig.
Sölvi Snær Guðbjargarson kom svo Stjörnunni yfir áður en Andri Adolphsson jafnaði aftur fyrir heimamenn.
Valsmenn fengu svo vítaspyrnu í blálokin en Patrick Pedersen klikkaði þar á punktinum. Haraldur Björnsson sá við honum og varði vel.
Fleiri voru mörkin ekki og lokastaðan 2-2 í stórskemmtilegum leik á Hlíðarenda.
Í hinum leik kvöldsins áttust við Fylkir og HK en þeim leik lauk með 3-2 sigri Fylkismanna.
Geoffrey Castillion reyndist hetja Fylkis en hann gerði sigurmark liðsins í síðari hálfleik.
Valur 2-2 Stjarnan
1-0 Patrick Pedersen (7′)
1-1 Hilmar Árni Halldórsson (28′)
1-2 Sölvi Snær Guðbjargarson (58′)
2-2 Andri Adolphsson (83′)
Fylkir 3-2 HK
1-0 Hákon Ingi Jónsson (8′)
1-1 Birkir Valur Jónsson (20′)
2-1 Valdimar Þór Ingimundarson (28′)
2-2 Ásgeir Marteinsson (52′)
3-2 Geoffrey Castillion (55′)
