Leikur í næst efstu deild Frakklands var stöðvaður í gær eftir ítrekaða fordóma gagnvart hommum. Um var að ræða leik Nancy og Metz.
Stuðningsmenn Nancy sungu framan af leik niðrandi söngva um homma, og beindu þeim að stuðningsmönnum Metz.
Ítrekað í hátalarakerfi vallarins voru stuðningsmenn Nancy beðnir um að hætta, það gekk ekki upp.
Mehdi Mokhtari, dómari leiksins ákvað því að stoppa leikinn og kalla liðin af velli. Leikmenn Nancy fóru þá til stuðningsmanna, og báðu þá um að hætta.
Stuðningsmennirnir ákváðu að hlusta á leikmenn sína og hættu að syngja niðrandi söngva um homma.
Dómarinn var þarna að nýta sér nýja reglu, í Frakklandi vilja menn útrýma öllum fordómum í knattspyrnu og hefur dómarinn það vald að stöðva leik og hætta honum ef þess þarf.
