fbpx
Laugardagur 29.nóvember 2025
433Sport

Plús og mínus: Skammarleg hegðun Elfars – Verðskuldað rautt og fáránleg viðbrögð

Victor Pálsson
Fimmtudaginn 15. ágúst 2019 21:11

Ekki missa af Helstu tíðindum dagsins í pósthólfið þitt

Lesa nánar

Víkingur Reykjavík er komið í úrslit Mjólkurbikars karla eftir leik við Breiðablik í undanúrslitum í kvöld.

Blikar komust yfir í leiknum í kvöld en Thomas Mikkelsen skoraði úr vítaspyrnu í fyrri hálfleik.

Víkingar svöruðu hins vegar fyrir sig með þremur mörkum og unnu að lokum 3-1 sigur. Liðið mætir FH í úrslitum í september.

Hér má sjá það góða og slæma úr leiknum.

Plús:

Víkingar voru hreint út sagt frábærir í leik kvöldsins og þá sérstaklega í seinni hálfleik – það tekur tíma að búa til lið og Arnar veit alveg hvað hann er að gera.

Það er ekkert smá vopn fyrir Víkinga að fá Óttar Magnús í framlínuna – einn öflugasti vinstri fótur landsins.

Óttar skoraði geggjað mark í leiknum. Hann smellti boltanum í slá og inn beint úr aukaspyrnu undir lok fyrri hálfleiks.

Víkingar vilja spila skemmtilegan bolta og það heppnaðist vel í kvöld. Oft á tíðum áttu Blikar engin svör.

Það er svo gaman að sjá hvað Víkingar geta haldið boltanum og líka beitt gríðarlega hættulegum skyndisóknum. Það vantar ekki í vopnabúrið.

Mínus:

Mark Breiðabliks átti aldrei að standa. Vítaspyrna var dæmt í fyrri hálfleik eftir brot á Thomas Mikkelsen en hann var rangstæður. Fékk þó að standa.

Þorvaldur Árnason hefur átt betri leiki í dómgæslunni. Menn komust upp með alls konar hluti á Víkingsvellinum, stundum skiptir ferilskráin kannski máli.

Hvar er Gísli Eyjólfsson? Fengu Blikar rangan mann til baka? Var besti leikmaður efstu deildar í fyrra en hann er skugginn af sjálfum sér þessa dagana. Ósýnilegur að gera.

Blikar litu hreinlega út fyrir að vera mun verra lið en Víkingar – það er ekki gott fyrir komandi átök í Pepsi Max-deildinni þar sem mikill stigamunur er á liðunum.

Elfar Freyr Helgason fékk beint rautt spjald í leiknum. Hann fór glannalega í leikmann Víkings aftan frá og fékk verðskuldað rautt. Stuttu seinna reif hann rauða spjaldið af Þorvaldi dómara og henti því í grasið. Hvað ertu að hugsa? Eitt það heimskulegasta sem hann gat gert.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 12 klukkutímum

Halldór útskýrir nánar ummæli sín sem vöktu gríðarlega athygli – „Svo er það sett saman á einhvern hátt og þá er auðvelt að klippa þetta út“

Halldór útskýrir nánar ummæli sín sem vöktu gríðarlega athygli – „Svo er það sett saman á einhvern hátt og þá er auðvelt að klippa þetta út“
433Sport
Fyrir 22 klukkutímum
Stórt skref fyrir ÍTF
433Sport
Fyrir 22 klukkutímum

Annað stórlið horfir til Rashford ef Barcelona kaupir hann ekki af United

Annað stórlið horfir til Rashford ef Barcelona kaupir hann ekki af United
433Sport
Fyrir 23 klukkutímum

Segir farir sínar ekki sléttar eftir fund með yfirmanninum – Kona hans og börn grétu eftir tíðindin

Segir farir sínar ekki sléttar eftir fund með yfirmanninum – Kona hans og börn grétu eftir tíðindin
433Sport
Í gær

Fyrrum framherji United með ráð fyrir Amorim áður en janúarglugginn opnar

Fyrrum framherji United með ráð fyrir Amorim áður en janúarglugginn opnar
433Sport
Í gær

Vestri fær landsliðsmann frá Senegal – Skoraði gegn Arsenal fyrir nokkrum árum

Vestri fær landsliðsmann frá Senegal – Skoraði gegn Arsenal fyrir nokkrum árum