Jóhann Ingi Hafþórsson, blaðamaður Morgunblaðsins skrifar skemmtilegan bakvörð í blað dagsins. Þar fer hann yfir íþróttamenn sem hafa rosalegt keppnisskap.
Jóhann telur um menn sem fara oft yfir strikið að hans mati, hann ber mikla virðingu fyrir þeim.
,,Að labba inn á íþróttavöll getur haft ótrúlegustu áhrif á dagfarsprúða menn. Menn sem eru hinir rólegustu og kurteisustu geta hagað sér eins og hálfgerðir villimenn á íþróttavellinum. Ég er ekki að gagnrýna slíka íþróttamenn, alls ekki. Keppnisskapið verður til þess að þeir ná enn lengra en þeir annars myndu gera,“ skrifar Jóhann í Morgunblaðið.
,,Knattspyrnumaðurinn Luis Suárez er til í að gera allt til að vinna og stundum fer hann langt yfir strikið. Væri hann ekki með þessa skapgerð á vellinum, væri hann hins vegar ekki eins góður.“
,,Diego Costa er annað dæmi. Eins og Suárez fer hann stundum langt yfir strikið, en hann væri ekki eins góður og hann er, væri brjálað keppnisskapið ekki til staðar. Þeir sem þekkja þá vel segja þá afar rólega og hlédræga utan vallar.“
Jóhann tekur svo eitt íslenskt dæmi og nefnir þar Pétur Viðarsson, varnarmann FH.
,,Pétur Viðarsson, fótboltamaður hjá FH, er annað dæmi. Hann dansar á línunni í leikjum; kvartar mikið við dómara og lætur sóknarmenn andstæðinganna stundum finna vel fyrir því, bæði með tæklingum og kjafti. Hann fékk beint rautt spjald fyrir að kalla dómara „fokking þroskaheftan“ fyrr í sumar.“
,,Ég hef tekið viðtöl við Pétur eftir leiki, þar sem hann er einstaklega kurteis og almennilegur. Hann umturnast í skapinu þegar á völlinn er komið og það gerir hann að betri leikmanni en hann annars væri.“
,,Þótt það komi augnablik þar sem mér finnst þessir íþróttamenn fara yfir strikið, get ég ekki annað en dáðst að þeim á sama tíma.“
Pepsi Max deildin á 433 er í boði 
