Gareth Bale, leikmaður Real Madrid, hefur sterklega verið orðaður við brottför frá félaginu í sumar.
Bale er ekki inni í myndinni hjá Real og vill Zinedine Zidane losna við hann af launaskránni.
Nú er talað um það að Bale gæti verið á leið til Kína og yrði um leið launahæsti leikmaður allra tíma.
Ónefnt lið í Kína er sagt vera tilbúið að borga Bale 1,2 milljónir punda á viku sem er sturluð upphæð.
Til samanburðar þá fær Alexis Sanchez, leikmaður Manchester United, um 450 þúsund pund á viku en hann er launahæsti leikmaður Englands.
Það á eftir að koma í ljós hvort þessar fregnir séu sannar en ljóst er að lið í Kína eiga nóg af peningum og hika ekki við að eyða.