Maurizio Sarri er nýr stjóri Juventus á Ítalíu en félagið staðfesti ráðningu á honum fyrr í dag.
Sarri hefur undanfarið ár stýrt liði Chelsea á Englandi en hann kom til félagsins frá Napoli síðasta sumar.
Margir eru reiðir eftir ráðningu Juventus en Sarri var ekki vinsæll á meðal stuðningsmanna félagsins.
Þeim líður þannig eftir atvik sem kom upp í apríl á síðasta ári er Sarri gaf stuðningsmönnum Juventus puttann fyrir viðureign liðana.
Sarri fékk að heyra það utanfrá og svaraði með því að gefa þeim fingurinn.