Það fór fram magnaður leikur í Meistaradeild Evrópu í gær er lið Tottenham heimsótti Ajax í undanúrslitum. Um var að ræða seinni leik liðanna en Ajax vann fyrri leikinn 1-0 á útivelli og var því í mjög góðri stöðu. Heimamenn byrjuðu frábærlega í dag og skoraði varnarmaðurinn Matthijs de Ligt snemma eftir hornspyrnu. Hakim Ziyech bætti svo við öðru áður en flautað var til hálfleiks og útlitið mjög bjart.
Lucas Moura lagaði svo stöðuna fyrir Tottenham á mínútu en hann kláraði færi sitt vel framhjá Andre Onana í markinu. Lucas bætti svo við öðru marki ekki löngu seinna eftir vandræði í vörn Ajax og þurfti Tottenham aðeins eitt mark til viðbótar. Það var útlit fyrir að Ajax myndi halda þetta út en á 95. mínútu leiksins þá skoraði Lucas þriðja mark Tottenham en fimm mínútum var bætt við. Það er því Tottenham sem spilar við Liverpool í úrslitum keppninnar sem fer fram í Madríd.
Ensk blöð fjalla í dag um Larissa Saad, eiginkonu Moura en þau byrjuðu saman árið 2015 og eru gift í dag. Þau höfðu verið vinir um langt skeið áður en ástarsamband þeirra hófst.
Saad er reglulega á forsíðum blaða í Brasilíu en hún hefur yfir 150 þúsund fylgjendur á Instagram. Hún er sögð vera tvífari Kendall Jenner sem er yngri systir Kim Kardashian.
Myndir af henni eru hér að neðan.