4. umferð Pepsi Max-deildarinnar lauk í gær, Valur vann góðan sigur á Fylki og Grindavík hafði betur gegn KR. HK lagði ÍBV og Stjarnan vann góðan sigur á Víkingi.

Blikar gerðu góða ferð á Akureyri og vann KA, þá tapaði FH á barnalegan hátt gegn ÍA.

Bjarni Helgason, blaðamaður Morgunblaðsins gerir upp umferðina með okkur.

Gary Martin, framherji Vals, kom að sjálfsögðu við sögu í þætti dagsins en hann hefur verið á allra vörum undanfarið.

Gary var ekki í leikmannahóp Vals í gær er liðið vann 1-0 sigur á Fylki á Wurth vellinum.

Hörður Snævar Jónsson, ritstjóri 433.is, ræddi þá ákvörðun að nota Kristinn Inga Halldórsson í fremstu víglínu frekar en Gary.

,,Fyrir mitt leyti þá ætla ég að segja það að rök Óla Jó fyrir því að losa Gary Martin voru að leikstíllinn hentar honum ekki,“ sagði Hörður.

,,Ef Gary Martin hentar ekki leikstíl þá er mjög vont að fara að sækja B útgáfu af Gary Martin og fá Kristinn Inga þarna inn. Þeir eru basically sami leikmaðurinn.“

,,Því miður, þetta er Gary Martin fátæka mannsins. Hann hleypur í svæði, er snöggur, duglegur en ekki góður í fótbolta ef við setjum það á milli gæsalappa.“

,,Að taka á móti bolta, halda bolta þetta eru eins leikmenn í mínum bókum.“

Bjarni tekur undir með Herði en segir það vera auðveldara að hafa stjórn á Kristni enda á hann í góðu sambandi við Óla Jó.

,,Það er svosem alveg góð pæling. Óli getur auðvitað stjórna honum svolítið með fjarstýringu en það gengur ekki með Gary Martin.“

Pepsi Max deildin á 433 er í boði