Jermaine Jenas, fyrrum leikmaður Tottenham, hefur gefið í skyn að það hafi verið mistök hjá Manchester United að tilkynna endanlega ráðningu Ole Gunnar Solskjær.

Solskjær var fyrr í mánuðinum staðfestur sem nýr stjóri United er hann gerði þriggja ára samning.

Jenas telur að það hafi verið mistök og að ákvörðunin hafi mátt bíða. Gengi United hefur versnað töluvert síðustu vikur.

,,Þetta var tilfinningaþrungin ákvörðun og eins og í öðrum viðskiptum ætti þetta að vera úthugsað þegar kemur að framtíðinni,“ sagði Jenas.

,,Það sem þeir þurftu að fjarlægja sig frá var ‘Leið Manchester United’ og ‘þetta er ekki eins og við gerðum hlutina áður.’

,,Það sem Sir Alex Ferguson gerði var einstakt og United hefur verið í vandræðum með að fylla hans skarð þrátt fyrir nokkra af bestu þjálfurum heims.“

,,Ég tel að United þurfi ekki að leita að einhverjum sem minnir á Ferguson, þeir þurfa að finna sig upp á nýtt.“

,,Jose Mourinho reyndi að gera það en félagið keypti það ekki. Ég held að þeir viti ekki hvað þeir eru að gera. Þetta snerist allt um tilfinningar þegar kom að Ole.“

Enski boltinn á 433 er í boði