Arnar Þór Viðarsson og Eiður Smári Guðjohnsen byrja vel í starfi með U21 árs landsliðið en liðið var að leika sinn annan leik í þessu verkefni.

Liðið gerði jafntefli við Tékkland á föstudag en sá leikur fór fram á Spáni, liðið vann svo góðan sigur á Katar í dag.

Jónatan Ingi Jónsson, kantmaður FH kom liðinu yfir í fyrri hálfleik.

Það var svo Sveinn Aron Guðjohnsen, sonur Eiðs Smára sem kom liðinu í 0-2. Sveinn hafði komið inn sem varamaður á 60 mínútu og smellti knettinum í netið, tveimur mínútum síðar.

Jón Dagur Þorsteinsson bætti svo við þriðja og síðasta marki Íslands í leiknum. 0-3 sigur staðreynd í hitanum í Katar þar sem HM í knattspyrnu fer fram árið 2022.

Landsliðið á 433 er í boði