Sergio Ramos, varnarmaður spænska landsliðsins, er vinalegasti varnarmaður heims að mati sóknarmannsins Joshua King.
King spilaði með Noregi í gær sem mætti Spáni en það síðarnefnda hafði betur með tveimur mörkum gegn einu.
Ramos er oft ásakaður um að vera óheiðarlegur á velli en King er alls ekki sammála því og hrósar fyrirliðia Real Madrid.
,,Ramos er með það orðspor á sér að vera grófur og óheiðarlegur en ég man ekki eftir að hafa mætt eins vinalegum varnarmanni,“ sagði King.
,,Ég hef ekki séð alla leikina hans en allar tæklingarnar voru í lagi og hann leit út fyrir að vera heiðarlegur íþróttamaður.“
,,Hann vann nokkur einvígi og ég vann önnur. Þetta var góður leikur.“
Enski boltinn á 433 er í boði 
