Anthony Martial hefði verið seldur frá Manchester United á þessu ári ef Jose Mourinho væri enn stjóri liðsins.

Þetta segir Gary Neville, goðsögn United, en Martial er mikilvægur hlekkur í liðinu í dag.

Frakkinn var ekki upp á sitt besta undir Mourinho sem var rekinn í desember í fyrra og tók Ole Gunnar Solskjær við.

,,Martial, ég held að Jose hefði örugglega selt hann eða skipt honum út á síðustu leiktíð,“ sagði Neville.

,,Ég sjálfur veit ekki alveg hvort hann sé framherji í heimsklassa eða einhver sem er að þykjast vera eitthvað.“

,,Þú telur að hann sé frábær leikmaður, yfirvegaður, sterkur og getur haldið boltanum.“

,,Svo horfiru á hann í næstu viku… Hann þarf að fá stöðug tækifæri til að sanna sig.“