Manchester City hefur staðfest það að félagið sé búið að hafa samband við lögreglu eftir atvik sem átti sér stað í kvöld.

City mætti grönnum sínum í Manchester United á Etihad vellinum en gestirnir unnu óvæntan 2-1 sigur.

Eldri maður var myndaður beina kynþáttaníði í átt að leikmönnum United í kvöld en myndband af honum er nú í dreifingu á netinu.

City gaf frá sér tilkynningu stuttu eftir leik þar sem félagið segist vera í samvinnu með lögreglu.

Leitað er að manninum umtalaða og á hann yfir höfði sér refsingu – lífstíðarbann telst líklegt.

Ekki nóg með það heldur er einnig leitað manna sem köstuðu smáhlutum í átt að Fred, miðjumanni liðsins.

Enski boltinn á 433 er í boði