Valur er með vinstri bakvörðinn, Magnus Egilsson er til reynslu hjá Val þessa dagana.
Magnus er 25 ára gamall landsliðsmaður í Færeyjum en hann lék undir stjórn Heimis Guðjónssonar hjá HB í Færeyjum.
Heimir tók við liði Vals í haust efitr að hann lét af störfum hjá HB. Bjarni Ólafur Eiríksson, yfirgaf Val og vantar liðinu vinstri bakvörð.
Guðmundur Hilmarsson, fyrrum blaðamaður á Morgunblaðinu segir frá. ,,Fyrrum lærisveinn Heimis Guðjónssonar hjá HB til skoðunar hjá Valsmönnum. Magnus Egilsson heitir kappinn og spilar í stöðu vinstri bakvarðar. 25 ára gamall færeyskur landsliðsmaður,“ skrifar Guðmundur.
Ef Valsmenn semja við Magnus mun hann keppa við Ívar Örn Jónsson sem hefur verið varamaður síðustu ár.
Fyrrum lærisveinn Heimis Guðjónssonar hjá HB til skoðunar hjá Valsmönnum. Magnus Egilsson heitir kappinn og spilar í stöðu vinstri bakvarðar. 25 ára gamall færeyskur landsliðsmaður.
— Guðmundur Hilmarsson (@GummiHilmars) December 3, 2019
