Cristiano Ronaldo var valinn þriðji besti leikmaður ársins á verðlaunaafhendingu Ballon d’Or í gær.
Ronaldo lét ekki sjá sig á hátíðinni en Lionel Messi vann verðlaunin í sjötta sinn á ferlinum.
Messi var valinn bestur á árinu en hann er nú með flest Ballon d’Or verðlaun eða sex gegn fimm hjá Ronaldo.
Umnboðsmaður Ronaldo, Jorge Mendes, var spurður út í skjólstæðing sinn eftir valið í gær.
Hann efast ekki um það að Ronaldo sé besti leikmaður sögunnar.
,,Cristiano er besti leikmaður sögunnar og þið vitið það sjálf,“ sagði Mendes í samtali við blaðamenn.
