Patrick Vieira, goðsögn Arsenal, hefur tjáð sig um það hvort hann sé mögulega að snúa aftur til félagsins.
Vieira er einn besti leikmaður Arsenal í sögu ensku úrvalsdeildarinnar en hann er í dag stjóri Nice í Frakklandi.
Arsenal er talið vilja fá hann hann aftur og nú í stjórastarfið eftir brottrekstur Unai Emery.
,,Það eru hlutir sem ég stjórna ekki, fólk segir ýmsa hluti, sumt er satt og annað ekki,“ sagði Vieira.
,,Ég hef ekkert sagt og hef ekkert tjáð mig um þetta. Ég er eins og þið, ég les, heyri, og horfi á hluti, það er það eina.“