Julian Nagelsmann, stjóri RB Leipzig, hefur rætt við undrabarnið Erling Haland sem leikur með RB Salzburg.
Þessi tvö lið eru með sömu eigendur en Haland er 19 ára gamall og er á óskalista margra liða.
Liverpool, Manchester United, Borussia Dortmund og Chelsea skoða Haland sem gæti þó endað í Þýskalandi.
,,Ég reyndi að útskýra mína hugmyndafræði á góðri ensku og held að samtalið hafi verið gott,“ sagði Nagelsmann.
,,Það er þó ekkert nýtt til þess að tilkynna að svo stöddu.“