Jordon Ibe, fyrrum leikmaður Liverpool og leikmaður Bournemouth í dag þarf að mæta fyrir dómara. Ástæðan er sú að hann keyrði á bílnum sínum inn á kaffihús, að auki keyrði hann á Mercedes bifreið sem var þar fyrir utan.
Það sem gerði illt verra, er að Ibe flúði af vettvangi en atvikið átti sér stað í London í sumar.
Atvikið átti sér stað snemma morguns, ekki er útilokað að hann hafi verið dauðadrukkinn og sökum þess flúið af vettvangi.
Ibe ók um að Bentley bifreið sinni, hann hafnar því að hafa flúið af vettvangi. Hann hafi beðið um stutta stund en enginn verið sjáanlegur og hann því farið.
Dómari sagði að Ibe hefði keyrt Bentley jeppa sínum inn í kaffihúsið og beðið í nokkrar mínútur, hann hafi síðan bakkað út og farið. Kaffihúsið var illa farið og þurfti að fara í miklar viðgerðir.