Arsenal gerði 2-2 jafntefli við Norwich í ensku úrvalsdeildinni í dag en leikið var á heimavelli þess síðarnefnda.
Arsenal lenti tvisvar undir í dag en í bæði skiptin kom Pierre Emerick Aubameyang liðinu til bjargar.
Fyrra mark Aubameyang kom úr vítaspyrnu sem var endurtekin – margir voru ósáttir við þá ákvörðun.
Það seinna skoraði framherjinn þegar tveir boltar voru í leik en VAR ákvað að dæma það gott og gilt.
Margir eru hissa á að leikurinn hafi ekki verið stöðvaður en það er venjan þegar fleiri en einn bolti eru í leik.
Þetta má sjá hér.