Liverpool 5-2 Everton
1-0 Divock Origi(6′)
2-0 Xherdan Shaqiri(17′)
2-1 Michael Keane(21′)
3-1 Divock Origi(31′)
4-1 Sadio Mane(45′)
4-2 Richarlison(45′)
5-2 Georginio Wijnaldum(89′)
Síðasti leikur kvöldsins í ensku úrvalsdeildinni var nú að klárast en viðureign Liverpool og Everton fór fram.
Stjörnurnar Roberto Firmino og Mo Salah voru á bekknum hjá Liverpool í kvöld og fengu hvíld.
Divock Origi nýtti tækifærið í kvöld og kom Liverpool yfir eftir aðeins sjö mínútur en Sadio Mane lagði upp.
Mane lagði upp annað mark stuttu síðar en þá komst Xherdan Shaqiri á blað – hann fékk einnig tækifæri í kvöld.
Fjórum mínútum síðar minnkaði Michael Keane muninn fyrir Everton áður en Origi bætti við sínu öðru marki eftir frábæra sendingu Dejan Lovren.
Mane komst loksins sjálfur á blað undir lok fyrri hálfleiks og kom Liverpool í 4-1. Richarlison skoraði svo annað mark Everton örfáum mínútum seinna.
Aðeins eitt mark var svo skorað í seinni hálfleik en það gerði Georginio Wijnaldum fyrir Liverpool undir lokin og 5-2 sigur heimamanna staðreynd.
Liverpool er með átta stiga forskot á toppnum eftir sigurinn en Leicester er í öðru sætinu.
Gylfi Þór Sigurðsson lék allan leikinn með Everton sem er í fallsæti eftir þessi úrslit.
