Jordan Pickford, markvörður Everton, grátbiður félagið um að reka ekki knattspyrnustjóra liðsins, Marco Silva.

Silva er sterklega orðaður við sparkið hjá Everton þessa dagana en gengi liðsins á tímabilinu hefur ekki verið gott.

Gylfi Þór Sigurðsson spilar með Everton og hefur eins og aðrir ekki staðist væntingar á leiktíðinni.

,,Eina leiðin fram á við er að standa saman. Við erum með mikla breidd og mikil gæði hjá þessu félagi og liðsandinn er mikill,“ sagði Pickford.

,,Stjórinn hefur verið frábær og við stöndum 100 prósent með honum. Nokkur slæm úrslit ættu ekki að setja pressu á stjórann en svona er leikurinn.“

,,Ég vil ekki sjá hann fá sparkið. Ég var hérna þegar Ronald Koeman var rekinn og það var hræðilegt.“

Enski boltinn á 433 er í boði