Stoke City hefur staðfest ráðningu sína á Michael O’Neil, hann tekur við liðinu í fallsæti Championship deildarinnar.
Þessi fimmtugi stjóri mun láta af störfum sem þjálfari Norður-Írlands eftir verkefnið í næstu viku.
O´Neill hefur náð góðum árangri með Norður-Írland en hann stýrir Stoke um helgina gegn Barnsley.
Sagt er að O´Neill tvöfaldi laun sín með því að taka við Stoke verði nú með um 200 milljónir á ári.
Stoke er sofandi risi en fall félagsins hefur verið hratt síðustu ár.