Stjarnan kynnir nýjan og öflugan leikmann sem gengur í raðir félagsins í dag. Ingibjörg Lucia Ragnarsdóttir, sem er 21 árs, er alin upp hjá Sindra á Höfn í Hornafirði og lék með þeim 54 leiki í meistaraflokki áður en hún hélt í Víking.
Ingibjörg lék síðan seinustu þrjú ár með ÍBV í Pepsí Max deildinni, samtals 51 leik.
Ingibjörg Lucia var í liði ÍBV sem varð Bikarmeistari 2017 og á baki 9 landsleiki með yngri landsliðum Íslands. Hún er dugleg fram úr hófi og getur jafnt spilað sem miðju- og varnarmaður.