Fjölnir hefur ráðið Helenu Ólafsdóttur sem nýjan þjálfara kvennaliðsins en þetta staðfesti félagið í gær.
Páll Árnason hætti með lið Fjölnis eftir sumarið en hann þjálfaði þar í tvö ár.
Helena tekur við af honum en hún er fyrrum landsliðsþjálfari kvennalandsliðsins og hefur einnig verið hjá FH, Val og KR.
Helena býr yfir mikilli reynslu sem þjálfari og verður fróðlegt að sjá hvernig gengið verður næsta sumar.
Fjölnir er í Inkasso-deildinni og hafnaði í 7. sæti deildarinnar í sumar.
Það er knattspyrnudeildinni sönn ánægja að tilkynna Helenu Ólafsdóttur sem nýjan þjálfara meistaraflokks kvenna!
Við bjóðum Helenu velkomna til félagsins og væntum mikils af samstarfinu.#FélagiðOkkar pic.twitter.com/a6NHebUk2W
— Fjölnir FC (@Fjolnir_FC) 6 November 2019