Miðjumaðurinn efnilegi Sigurður Arnar Magnússon æfir með Heimi Hallgrímssyni þessa dagana.
ÍBV staðfesti þessar fregnir í kvöld en Sigurður er fæddur árið 1999 og er uppalinn Eyjamaður.
Sigurður spilaði 18 leiki í Pepsi Max-deildinni í sumar og lék 17 í fyrra – hann spilar stórt hlutverk hjá liðinu.
ÍBV greindi frá því í kvöld að Sigurður væri í Katar þessa dagana og æfir með Heimi hjá Al Arabi.
Um er að ræða þriggja vikna dvöl en Aron Einar Gunnarsson og Birkir Bjarnason spila einnig með Al Arabi.