Lionel Messi, leikmaður Barcelona, reyndist hetja Argentínu gegn Brasilíu í vináttuleik í gær.
Messi klikkaði á vítaspyrnu í leiknum en hann náði frákastinu og tókst að setja boltann í netið.
Brasilía fékk einnig vítaspyrnu í leiknum en Gabriel Jesus klikkaði á henni og vann Argentína 1-0 sigur.
Eins ótrúlegt og það hljómar þá var Messi að skora sitt fyrsta mark gegn Brasilíu í heil sjö ár.
Hann hefur spilað nokkra leiki gegn liðinu í gegnum tíðina en skoraði þrennu í 4-3 sigri árið 2012.
