Framtíð Cristiano Ronaldo er óljós en ekki er víst hvort hann verði áfram hjá Juventus á næstu leiktíð.
Ronaldo er kominn á seinni árin í boltanum en hann verður þá búinn að klára tvö tímabil með ítalska liðinu.
Hann hefur komist í fréttirnar fyrir neikvæðna hegðun og þá sérstaklega fyrir atvik sem átti sér stað um síðustu helgi.
Ronaldo brást þá illa við því að Maurizio Sarri ákvað að skipta honum af velli og strunsaði beint inn í klefa og fór svo heim.
Ronaldo er samningsbundinn til ársins 2022 en nokkur lið gætu reynt að fá hann næsta sumar.
Hér má sjá fimm staði sem koma til greina.
Inter Miami (MLS-deildin)
MLS býður upp á ýmislegt og þar á meðal peninga. David Beckham er eigandi Inter Miami sem hefur keppni í MLS-deildinni á næsta ári. Hann gæti reynt að lokka Ronaldo.
Manchester United (enska úrvalsdeildin)
Það yrði draumur marga stuðningsmanna United að sjá Ronaldo snúa aftur. Hann lék þar við frábæran orðstír áður en Real Madrid bankaði á dyrnar.
Real Madrid (La Liga)
Af hverju ekki? Real hefur gengið illa og gæti Ronaldo viljað snúa aftur og skora enn fleiri mörk fyrir félagið en hann hefur nú þegar gert.
Paris Saint-Germain (Ligue 1)
Ef Ronaldo þarf peninga og smá áskorun, þá fer hann til PSG. PSG er líklega ríkasta félag heims og gæti Ronaldo gert það sama og Zlatan Ibrahimovic og tekið nokkur ár í ansi auðveldri deild.
Kína
Margir leikmenn enda ferilinn í Kína og það er góð ástæða fyrir því. Þar spila margir launahæstu leikmenn heims og mun Ronaldo væntanlega verða launahæstur í heimi með skrefi þangað.
