Virgil van Dijk, leikmaður Liverpool, hefur útskýrt af hverju hann fagnaði ekki fyrsta marki liðsins gegn Manchester City um helgina.
Liverpool vann 3-1 heimasigur á City en Fabinho gerði fyrsta mark liðsins með frábæru skoti.
Van Dijk vildi þó ekki fagna en hann var ekki viss um að VAR myndi dæma það gilt eftir að boltinn hafði farið í hönd Trent Alexander-Arnold stuttu áður.
,,Eftir hvert einasta mark þá þarftu að bíða núna, svo ég ákvað að fagna ekki,“ sagði Van Dijk.
,,Á endanum þá dæmdi VAR það gott og gilt og þú heldur áfram. Þú getur ekki breytt neinu lengur.“
,,Ég held að boltinn hafi farið fyrst í Bernardo Silva og svo kannski í Trent.“