Sagt var frá því í Expressen að leikmaður í sænsku deildinni hafi verið handtekinn í Stokkhólmi í vikunni. Samkvæmt heimildum Fréttablaðsins er um að ræða Kolbein Sigþórsson, landsliðsframherja Íslands.
Mikil umræða er um málið í Svíþjóð en samkvæmt fréttinni var Kolbeinn handtekinn, 03:00 á miðvikudag. Sænska úrvalsdeildin klárast á morgun. Ekki er talið að Kolbeinn komi við sögu í leiknum, ef marka má umræðuna í Svíþjóð.
Kolbeinn Sigþórsson handtekinn í Svíþjóð
,,Ég veit að hann endaði í fangaklefa, það er það eina sem ég veit. Að hann hafi veitt mótspyrnu við handtöku, hef ég ekki heyrt,“ segir formaður AIK við Expressen um málið.
,,Við funduðum í gærkvöldi vegna málsins. Það er ákvörðun þjálfarans um hvort hann spili um helgina.“
Yfirmaður knattspyrnumála hjá AIK ræddi einnig við Expressen. ,,Við vitum af atvikinu, við teljum þær upplýsingar réttar. Við tökum á þessu máli hér,“ sagði hann við blaðið.
,,Ég vil ekki ræða einstaka leikmenn, ég hef upplýsingar um málið og við tökum á þessu.“