Wilfried Zaha, leikmaður Crystal Palace, viðurkennir að hann hafi verið í töluverðum vandræðum í sumar og í byrjun tímabils.
Zaha var sterklega orðaður við brottför frá Palace og reyndi Arsenal mikið að fá hann í sínar raðir.
Zaha viðurkennir að það hafi verið erfiður tími og að hann hafi hugsað um ýmislegt annað en fótbolta í sumar.
,,Ég þurfti að halda hausnum niðri og spila minn fótbolta,“ sagði Zaha við the BBC.
,,Ég hefði komið í veg fyrir eigin árangur ef ég hefði haldið áfram að væla og ekki spila almennilega.“
,,Ég virði stjórann, stuðningsmennina og liðsfélagana of mikið til þess að koma þannig fram.“
,,Ég verð að sanna það að ég sé þessi toppleikmaður sem ég segi að ég sé í hvert skipti og þurfti að komast yfir þetta fljótt.“
,,Augljóslega þá var hausinn alls staðar í byrjun tíambils en ég þurfti bara að einbeita mér og halda áfram því liðið á það skilið.“