Sverrir Ingi Ingason, varnarmaður PAOK í Grikklandi hefur ekki fengið mörg tækifæri frá því að hann kom til félagsins.
Sverrir gekk í raðir PAOK í janúar en hefur að mestu setið á bekknum. Nú horfir til betri vegar ef marka má frétt frá Íslendingavaktinni
Þar segir að Fernando Varela, miðvörður PAOK verði frá í sex vikur vegna meiðsla. Það opni dyrnar fyrir Sverri.
Hann muni fá tækifæri í byrjunarliði PAOK eftir landsleikjahlé. Sverrir kom til félagsins frá Rostov í Rússlandi en PAOK, varð grískur meistari á síðustu leiktíð.
Sverrir er mættur til Íslands þar sem hann mun taka þátt í verkefni Íslands gegn Frakklandi og Andorra í undankeppni EM.