Steven Caulker, fyrrum leikmaður Liverpool og Tottenham, er í myndinni hjá skoska landsliðinu.

Þetta staðfesti Steven Reid, þjálfari skoska liðsins í dag en Skotland vill fá að velja Caulker í landsliðið.

Caulker er 27 ára gamall varnarmaður en hann spilar þessa stundina með Alanyaspor í Tyrklandi.

Caulker á að baki einn landsleik fyrir England en hann skoraði þá í 4-2 tapi gegn Svíum í æfingaleik árið 2012.

Hann hefur enn ekki spilað keppnisleik fyrir England og er því leikfær með skoska liðinu.

Amma Caulker er skosk og gat hann því alltaf valið á milli þessara landa.

Enski boltinn á 433 er í boði