Edwin van der Sar yfirmaður knattspyrnumála hjá Ajax segist ekki vera að fara að taka starfið hjá Manchester United.

Hans gamla félag á Englandi vill ráða mann inn í starf yfirmanns knattspyrnumála, Van der Sar hefur vakið athygli í starfinu í Hollandi.

,,Ég hef sagt það áður, ég vi gera Ajax sigursælt aftur,“ sagði þessi fyrrum markvörður.

,,Sem markvörður, þá þarftu að byggja upp sjálfstraust og styrkleika. Ég er að reyna það í þessu starfi, með því að prufa nýja hluti.“

,,Ég er ekki klár í næsta skref, ég á óklárað verk hérna. Einbeiting mín er bara á Ajax.“