Óttast er að leikmenn Manchester United verði fyrir kynþáttaníði í Serbíu í kvöld er liðið mætir Partizan.
Liðið hefur spilað tvo síðustu leiki fyrir luktum dyrum vegna kynþáttaníðs frá stuðningsmönnum.
Enska landsliðið varð fyrir grófu kynþáttaníði í Búlgaríu á dögunum, Harry Maguire varnarmaður Manchester United var þar og verður í Serbíu í kvöld.
,Við verðum að treysta UEFA til að fylgja þessum þremur skrefium. Það var hræðileg upplifun í Sofiu, ég vil ekki upplifa slíkt aftur,“ sagði Maguire.
,,Við förum vongóðir inn í leikinn og vonandi verður gott andrúmsloft, við erum allir spenntir fyrir leiknum. Ef eitthvað gerist þá förum við eftir þremur skrefum UEFA.“
