Ole Gunnar Solskjær, stjóri Manchester United, hefur svarað ummælum Roy Keane sem hann lét falla um helgina.
Keane gaf það út eftir leik við Liverpool að United ætti að ná í Harry Kane frá Tottenham og það strax.
Kane er einn besti sóknarmaður heims en hann hefur raðað inn mörkum fyrir Tottenham í nokkur ár.
,,Roy kemur sér beint að efninu er það ekki? Það eru leikmenn eins og Kane og Lewandowski þarna úti,“ sagði Solskjær.
,,Okkar leikmenn eru öðruvísi en mér líkar við einhvern sem getur nýtt hálffærin og hann er einn sá besti í því en spilar fyrir Tottenham.“
