Eins og margir vita þá eru Grikkir oft mjög blóðheitir og eru margar knattspyrnubullur þar í landi.

Sumir eiga það til að fara langt yfir strikið og gerðist það í leik Olympiakos og Bayern Munchen.

Ekki er þó um aðalliðsleik að ræða en U19 ára lið Olympiakos fékk Bayern í heimsókn í Meistaradeildinni.

Þar voru nokkrir þýskir menn mættir til að styðja ungu strákana sem unnu öruggan sigur í Grikklandi.

Þeir grísku mættu með kylfur og fleiri vopn og réðust á Þjóðverjana áður en lögreglan mætti á svæðið.

Talað er um að allt að 80 menn hafi mætt til að ráðast á gestina og var allt út í blóði eftir árásina.