Guðlaugur Victor Pálsson var hetja Darmstad gegn St Pauli um helgina í næst efstu deild í Þýskalandi.
Guðlaugur skoraði þá eina mark leiksins þegar tíu mínútur voru eftir af leiknum. Markið kom með öflugum skalla.
Guðlaugur Victor er í liði umferðarinnar en þetta er í þriðja sinn í fyrstu 9 umferðum deildarinnar.
Guðlaugur gekk í raðir Darmstad í janúar en sigurinn kom liðinu úr fallsæti.
Í Þýskalandi er Guðlaugur miðjumaður en hann byrjaði tvo síðustu landsleiki Íslands sem hægri bakvörður.