Erik Hamren hefur opinberað byrjunarlið sitt fyrir leikinn gegn Andorra í undankeppni EM, sem hefst klukkan 18:45. Jóhann Berg Guðmundsson og Rúnar Már Sigurjónsson meiddust gegn Frökkum og eru ekki með.
Alfreð Finnbogason kemur inn og verður með Kolbeini Sigþórssyni frammi. Jón Guðni Fjóluson kemur inn í hjarta varnarinnar fyrir Kára Árnason og Arnór Sigurðsson kemur á kantinn.
Leikmenn Andorra eru léttir, ljúfir og kátir og vildu endilega fá mynda af sér með tökumanni RÚV eins og sjá má hér að neðan.
,,Að sjálfsögðu vildu liðsmenn Andorra fá myndir af sér með hinum víðfræga myndatökumanni okkar, honum Kikkó,“ skrifar RÚV á Twitter.
Myndband af þessu er hér að neðan.
Að sjálfsögðu vildu liðsmenn Andorra fá myndir af sér með hinum víðfræga myndatökumanni okkar, honum Kikkó! #ISLAND pic.twitter.com/xFYIPLc2BI
— RÚV Íþróttir (@ruvithrottir) October 14, 2019