Arnór Sigurðsson skoraði sitt fyrsta landsliðsmark í kvöld er Ísland vann 2-0 sigur á Andorra.
Ísland gerði sitt en er ekki í góðri stöðu eftir að Frakkar gerðu jafntefli gegn Tyrkjum.
,,Tilfinningin var geggjuð. Að ná því hér heima á Laugardalsvelli er extra sætt og í sigri,“ sagði Arnór.
,,Við þurftum að treysta á að Frakkarnir myndu taka þrjú stig en það er ennþá séns, við þurfum bara að klára okkar verkefni og treysta á aðra.“
,,Það kom meira rok því meira sem leið á leikinn og við vorum í brasi í byrjun að finna taktinn en þegar við fórum að spila langan upp á Kolla og Alfreð þá fór þetta að virka.“