Ari Freyr Skúlason viðurkennir að hann hafi verið klaufi í leik gegn Frökkum í kvöld.

Ari gerðist brotlegur innan teigs í seinni hálfleik sem varð til þess að Antoine Griezmann féll með tilþrifum og vítaspyrna dæmd.

,,Þetta er klaufalegt, ég hef séð myndirnar af þessu og ég fer víst í hendina á honum. Ég býð upp á þetta og þetta er klaufaskapur og leiðinlegt,“ sagði Ari.

,,Hann ákvað bara að reyna að sparka í boltann og svo sér hann að hann getur það ekki. Það er klaufaskapur að bjóða upp á þetta.“

,,Við vorum að spila við heimsmeistarana en persónulega fannst mér frábær liðsheild, vikan var frábær, tilfinningin og andinn góður.“

,,Frammistaðan yfir höfuð, við getum verið stoltir af henni.“