John Stones varnarmaður Manchester City er fluttur út úr húsinu sem hann keypti fyrir sig og fjölskyldu sína.

Þessi 24 ára gamli varnarmaður hætti með æskuástinni sinni Millie Savage rétt fyrir jól. Hann bjó í einu af dýrustu hverfum Manchester með henni, barni þeirra og mömmu hennar.

Stones var gómaður við að halda framhjá Millie og þegar hún vildi fá útskýringar, þá ákvað Stones frekar að hætta með henni.

,,Við erum í rusli, John var eins og sonur okkar,“ sagði Mandy móðir stúlkunnar um málið.

Stones fékk sér íbúð í miðborg Manchester þar sem hann býr þessa stundina. ,,Hún á góða og slæma daga eftir að þetta gerðist allt.“

Hér að neðan má sjá húsið sem Stones á og fyrrum unnusta hans býr í og íbúðina sem hann keypti fyrir sig.