Alfreð Finnbogason er mættur til leiks hjá liði Augsburg á nýjan leik eftir meiðsli.
Alfreð og félagar mættu Eintracht Frankfurt á heimavelli í dag og unnu frábæran 2-1 sigur.
Alfreð byrjaði leikinn fyrir Augsburg og lék allan leikinn. Þetta var fyrsti sigur liðsins á tímabilinu.
Framherjinn komst ekki á blað í sigrinum en hann lagði þó upp fyrra mark liðsins.
Við fengum þó íslenskt mark í Noregi er Aalesund spilaði við Kongsvinger í B-deildinni.
Aron Elís Þrándarson skoraði jöfnunarmark Aalesund á 90. mínútu í 1-1 jafntefli.
Daníel Leó Grétarsson og Davíð Kristján Ólafsson byrjuðu einnig leikinn. Hólmbert Friðjónsson kom inná sem varamaður.
